Krishnayanam 2026
ഓണരാവുകൾ സംഗീതസാന്ദ്രമാക്കാൻ ഹരിശങ്കറും എം.ജി. ശ്രീകുമാറും; 'കൃഷ്ണായനം–2026' കൊല്ലം
ഒക്ടോബർ 17,18 ന് ആശ്രാമം മൈതാനിയിൽ
മലയാള മനോരമ മീഡിയ പാർട്ണർ; കൊല്ലത്ത് രണ്ട് ദിനങ്ങൾ സംഗീതത്തിന്റെ ആഘോഷം
'കൃഷ്ണായനം–2026'. മലയാള മനോരമ മീഡിയ പാർട്ണറായ ഈ ദ്വിദിന സംഗീതോത്സവം ഒക്ടോബർ 17,18 തീയതികളിൽ കൊല്ലം ആശ്രാമം മൈതാനിയിൽ അരങ്ങേറും.
സിനിമാസംഗീതവും മെലഡികളും ഭക്തിഗാനങ്ങളും ഒരേ വേദിയിൽ ആസ്വദിക്കാനുള്ള അപൂർവ അവസരമാണ് 'കൃഷ്ണായനം–2026'. എല്ലാ പ്രായക്കാർക്കും ഒരുപോലെ ആസ്വദിക്കാവുന്ന ഗാനങ്ങളുമായി സംഗീതത്തിന്റെ ആഘോഷമാക്കി മാറ്റാനാണ് പരിപാടിയുടെ ഒരുക്കം.
ഒക്ടോബർ 17 : എം.ജി. ശ്രീകുമാറിനൊപ്പം ഭക്തിസാന്ദ്രമായ 'ഭജൻസ് ലൈവ് സന്ധ്യ'
വൈകിട്ട് 7 മണിക്ക്, മലയാളികളുടെ പ്രിയഗായകനും സംഗീതസംവിധായകനുമായ എം.ജി. ശ്രീകുമാർ അവതരിപ്പിക്കുന്ന 'ഭജൻസ് ലൈവ് സന്ധ്യ' സംഗീതാസ്വാദകരെ ഭക്തിയുടെ മറ്റൊരു ലോകത്തേക്ക് കൂട്ടിക്കൊണ്ടുപോകും. മധുരശബ്ദത്തിലൂടെ ഭക്തിഗാനങ്ങൾക്ക് ആത്മീയമായ അനുഭൂതി പകരുന്ന എം.ജി. ശ്രീകുമാറിന്റെ അവതരണം പ്രേക്ഷകർക്ക് ശാന്തിയും ആനന്ദവും നിറഞ്ഞ ഒരു സംഗീതസായാഹ്നം സമ്മാനിക്കും.
ഒക്ടോബർ 18 : ഹരിശങ്കറിന്റെ ഹിറ്റ് ഗാനങ്ങളുടെ രാത്രി
വൈകിട്ട് 7 മണിക്ക് ആരംഭിക്കുന്ന ലൈവ് മ്യൂസിക്കൽ നൈറ്റിൽ മലയാളികളുടെ പ്രിയ പിന്നണി ഗായകൻ കെ. എസ്. ഹരിശങ്കർ വേദിയിലെത്തും. ശുദ്ധമായ ആലാപനശൈലിയും വികാരസാന്ദ്രമായ അവതരണവും കൊണ്ട് ശ്രദ്ധ നേടിയ ഹരിശങ്കർ, മലയാളം, തമിഴ്, തെലുങ്ക് ഭാഷകളിലെ ഒട്ടേറെ ജനപ്രിയ ഗാനങ്ങൾ ആലപിച്ചിട്ടുള്ള യുവഗായകരിൽ പ്രമുഖനാണ്. സിനിമാപ്രേമികൾ ഏറ്റെടുത്ത അനേകം ഹിറ്റ് ഗാനങ്ങളും പ്രേക്ഷകർക്ക് പ്രിയപ്പെട്ട മെലഡികളും കോർത്തിണക്കിയ സംഗീതവിരുന്നായിരിക്കും അദ്ദേഹത്തിന്റെ അവതരണം.
കൃഷ്ണഭക്തിയും ഭജനസംഗീതത്തിന്റെ ആത്മീയ ഭാവവും കോർത്തിണക്കിയ ഈ പ്രത്യേക സംഗീതസന്ധ്യയിൽ, അദ്ദേഹത്തിന്റെ ജനപ്രിയ ഭക്തിഗാനങ്ങളും ഹൃദയസ്പർശിയായ ആലാപനവും ലൈവ് ഓർക്കസ്ട്രയുടെ അകമ്പടിയോടെ വേദിയെ ഭക്തിനിർഭരമാക്കും. ഓണാഘോഷത്തിന്റെ നിറവിൽ ആത്മീയ സംഗീതത്തിന്റെ അപൂർവ അനുഭവം ആസ്വദിക്കാൻ ആഗ്രഹിക്കുന്നവർക്ക് നഷ്ടപ്പെടുത്താൻ പാടില്ലാത്ത വേദിയായിരിക്കും ഈ 'ഭജൻസ് ലൈവ് സന്ധ്യ
